ഇ- ശ്രീധരന് ന്യൂസ്‌ മേക്കര്‍ 2012 നല്‍കിയത് തൊട്ട് അടുത്ത വര്‍ഷം ന്യൂസ്‌ മേക്കര്‍ ഞാനാവും എന്ന് തീരുമാനിച്ചത് പോലെയാണ് നമ്മുടെപുലിക്കുട്ടന്‍റെ കാര്യം . ആശാന്‍ മുണ്ടും മുറുക്കിയെടുത്ത് ഇറങ്ങിയിരിക്കുകയാണ് നാട്ടിലേക്ക് .ഓരോ പഞ്ചായതിലെക്കും ഓരോന്നു വീതം എന്നാ മട്ടിലാണ് ഇപ്പോള്‍ പോക്ക് .നാട്ടുകാരെല്ലാം കാട്ടില്‍ കയറി നരങ്ങുകയാണ്, പിന്നെ ഞങ്ങള്‍ക്ക് എന്താ ഇറങ്ങിക്കൂടെ എന്ന ചോദ്യവും .വിറക് കെട്ടിന്‍റെ മുകളിലും റബ്ബര്‍ തോട്ടത്തിലും എന്ന് വേണ്ട അടുപ്പില്‍ വരെ എത്തി കാര്യങ്ങള്‍ . വിറക് ശേഖരിക്കാന്‍ പോകുന്നവര്‍ ആകാശത്തിലേക്കും ഭൂമിയിലേക്കും നോക്കേണ്ട അവസ്ഥ . പുറത്തേക്ക് ഇറങ്ങുമ്പോള്‍ മിനിമം 2പെരങ്കിലും ഒരുമിച്ച് പോകണം.എന്നാല്‍ ഒരാളെ ആക്രമിക്കുമ്പോള്‍ മറ്റെയാള്‍ക്ക് രക്ഷപ്പെടാമല്ലോ.പ്രതിരോധിക്കാനാണെന്ന് തെറ്റിദ്ധരിക്കരുത് .പ്രതിരോധം പോലും പാടില്ല എന്നാണ് പറയുന്നത് . പുലി വന്നാല്‍ ആദ്യം സല്യൂട്ട് അടിക്കണം, ഇരിക്കുന്ന കസേരയില്‍ നിന്ന് എഴുന്നേറ്റ് ഭവ്യതയോടെ കസേരയിലേക്ക് ഇരിക്കാന്‍ പറയണം എന്നതാണ് നിയമം .കണ്ണുരുട്ടി പേടിപ്പിക്കാന്‍ പോലും പറ്റില്ല എന്നര്‍ത്ഥം.കടുവയെ കണ്ടാല്‍ 144 പ്രഖ്യാപിക്കണം എന്ന് ,അതിലും നല്ലത് പള്ളിയിലെ മുക്രിയെ കണ്ട് ഖബര്‍ കുത്താന്‍ പറയുന്നതാണ്.പുലിക്കുട്ടന്‍ ആള് തന്റെടക്കാരന്‍ തന്നെ. ബണ്ടി ചോറിന്റെ അതെ ചങ്കൂറ്റം. ഏത് ക്യാമറ വെച്ചാലും ആശാന്‍ എവിടെയും വരും.പിടിച്ചാല്‍ ഒരു സോറിയും.ആരും വീണു പോകും.കേരളത്തില്‍ ഇപ്പോള്‍ ഫാന്‍സ് ഉള്ളത് ഇവര്‍ക്ക് 2 പേര്‍ക്കുംമാത്രമാണ്.വാറുണ്ണിമാരാണെങ്കില്‍ നാട്ടില്‍ പെരുകികൊണ്ടിരിക്കുന്നു.'പുലിയെ മിതമായ നിരക്കില്‍ പിടിച്ചു കൊടുക്കും ' എന്ന തലക്കെട്ടോടെ മൊബൈല്‍ നമ്പര്‍ സഹിതം ഫ്ലെക്സ് ബോര്‍ഡ്‌ വന്നു നിലംബൂര്‍ പരിസരങ്ങളില്‍ . മൃഗയ സിനിമയുടെ സിഡി കിട്ടാനില്ല . എവിടെ ചോദിച്ചാലും ഫോറെസ്റ്റ് ആപ്പീസര്‍മാര്‍ കൊണ്ടുപോയി എന്ന് മറുപടി.സത്യത്തില്‍ സര്‍ക്കാരിനു ഇപ്പോള്‍ കോളാണ് . തൊഴിലില്ലായ്മ ഒരു പരിധി വരെ പരിഹരിച്ചു .നാട്ടുകാര്‍ക്ക് മുഴുവന്‍ പുലി പിടുത്തമാണ് ജോലി. ക്രിക്കറ്റ് കളി കാണാന്‍ പോലും ആളില്ല എന്ന് വന്നു. പുലിയെ തിരഞ്ഞപ്പോള്‍ വെരുകിനെ കിട്ടി എന്ന് വാര്‍ത്ത .എലിയെ പേടിച്ച് ഇല്ലം ചുട്ട പോലെ പലരും കാട് വെട്ടി തെളിച്ചു തുടങ്ങി. പ്രകൃതി സ്നേഹികളൊക്കെ എവിടെ പോയി കിടക്കുകയാണാവോ ? വീരപ്പനെ പിടിക്കാന്‍ കാട്ടില്‍ പോകുന്നവരെ പോലെയാണ് ഇപ്പോള്‍ നമ്മുടെ ആപ്പീസര്‍മാര്‍ . തോക്കുമായി കാട്ടില്‍ പോകുന്ന പടം പത്രത്തില്‍ കണ്ടാല്‍ തോന്നുംഇപ്പൊ കൊണ്ട് വരും മൂന്നു നാലെണ്ണം എന്ന്. പണിയില്ലാത്തവര്‍ക്കൊക്കെ പണിയായി എന്ന് ചുരുക്കം . പുലിയെ പിടിക്കാന്‍ കാട്ടില്‍ പോയ 2 ചെറുപ്പക്കാര്‍ ആനയുടെ മുന്‍പില്‍ പെട്ടപ്പോള്‍ 'ക്ഷമിക്കണം, ആവേശത്തിന്‍റെ പുറത്ത് വന്നു പോയതാണ് ' എന്ന് പറഞ്ഞു സ്ഥലം വിട്ടത്രേ . ' പാലം കുലുങ്ങിയാലും കേളന്‍ കുലുങ്ങൂല ' എന്നാ മട്ടിലാണ് മേലാധികാരികള്‍ . പുലി പിടിച്ചവരെ കാണാന്‍ അവര്‍ക്ക് വലിയ ഉത്സാഹമാണ് . നടന്മാരെ പോലിസ് പിടിച്ചപോലെ . ആനയെ റബ്ബര്‍ ബുള്ളറ്റ് കൊണ്ട് വെടി വെക്കമാത്രേ!!!.അടുത്ത് വോട്ട് നിങ്ങള്‍ക്ക് തന്നെ സഖാവേ.........ആന, പുലി, പന്നി, ഒരു ത്രിമൂര്‍ത്തി സഖ്യം. ഇനി ഒരൊറ്റ അപേക്ഷ മാത്രം "കേരളത്തെ മൊത്തം കടുവാ സംരക്ഷണ കേന്ദ്രമാക്കരുതേ .......... "
